ನೀ ಪ್ರೀತಿಸ ನಿಲ್ಲಿಸಿದ ಮೇಲೆ
ನನ್ನ ನಾ ಪ್ರೀತಿಸುವುದ ಮರೆತು
ಮೈಚೆಲ್ಲಿ ಮಲಗಿದ್ದೇನೆ
ಹಠ ಮಾಡಿದ
ಮನಸ್ಸನ್ನು ಸುಮ್ಮನಾಗಿಸಿ
ಸುಮ್ಮನಾದೀತೆ ಹೃದಯ
ಮತ್ತೆ ಅಲ್ಲಿ ಜಿನುಗುವ ನೀನು!
ಮನಸ್ಸ೦ಚಿನ ಹನಿ
ಅದಾಗಲೆ ನಿ೦ತ
ನೀರಿನ ಮೆಲೆ ಬಿದ್ದು
ಹುಟ್ಟುವ ’ಟಪಕ್” ಶಬ್ಧ
ಸುಪ್ತ ಮನಸ್ಸಿಗೂ
ಕೇಳಿಸುತ್ತದೆ.
ನೀರು ಹರಿಯುವುದಿಲ್ಲ,
ಕನಸೂ...
ನಿ೦ತು ಅಣಕಿಸುತ್ತದೆ
ಪ್ರತಿಬಿ೦ಬ.
ಹೀಗೆ ಇರಬಯಸುತ್ತೇನೆ.
ಚಿರನಿದ್ರೆಗೆ ಹೊರಳಿ
ನಿನ್ನ ನೆನಪು ಬಡಿದೇಳಿಸುವ ಮುನ್ನ.
No comments:
Post a Comment